GeneralOtrasPolíticaÚltima Hora

O COAG FAI UN CHAMAMENTO AOS PARTIDOS ANTE AS ELECCIÓNS GALEGAS

Sede da COAG en Santiago. Casa da Conga

O Colexio de Arquitectos de Galicia (COAG) fai un chamamento aos diferentes partidos políticos ante a proximidade das eleccións autonómicas, reclamando

aquelas medidas que deberan ser atendidas no beneficio de toda a sociedade galega, do noso territorio e do colectivo de arquitectos e arquitectas de Galicia

MEDIDAS PARA ARQUITECTURA E URBANISMO EN GALICIA

DEREITO Á VIVENDA

1. Impulsar políticas de vivenda pública de calidade e un pacto pola vivenda entre os partidos politicos e os axentes sociais.

2. Desenvolver nos concellos de máis de 10.000 habitantes Plans de Vivenda e solucións particularizadas, así como o impulso a novos modelos habitacionais e a medidas de apoio á autopromoción e cooperativismo.

ORDENACIÓN DO TERRITORIO

3. Mellora da planificación do territorio a través dun maior aproveitamento das diversas ferramentas urbanísticas para a transformación cualitativa do mesmo, ediante a participación permanente dos técnicos e técnicas implicadas na ordenación do territorio .

4. Favorecer a formación dos e das urbanistas e a elaboración de planeamento xeral e de desenvolvemento.

5. Requirir a participación de arquitectos/as nas axendas urbanas e/ou plans territoriais estratéxicos.

DEFENSA DO PATRIMONIO

6. Protexer o patrimonio arquitectónico histórico e contemporáneo. Incluír nas comisións de patrimonio provincial un representante do Colexio Oficial de Arquitectos de Galicia.

7. Fomentar a rehabilitación da edificación e a revitalización dos entornos construídos mediante programas integrados. Impulsar as oficinas de rehabilitación e información en todo o territorio galego co fin de estimular a recuperación das ARIs.

MELLORA DA CALIDADE ARQUITECTÓNICA DE EDIFICIOS E DE ESPAZOS PÚBLICOS

8. Levar á práctica a Lei de Arquitectura. Primar a calidade dos proxectos e non as baixas económicas, así como contribuír á divulgación das obras realizadas en Galicia.

9. Impulsar concursos para toda a contratación na Administración galega. Revisar os pregos actuais e adecuar as modalidades de concurso, así como establecer criterios extensivos a toda a Administración autonómica. Apoiar aos concellos con técnicos/as e dotación económica para que poidan desenvolverse. Facilitar o acceso aos pequenos estudios e/ou profesionais no inicio da súa actividade.

10. Desenvolver unha estratexia de mellora do noso espazo público na que se teña en conta aos e ás profesionais da arquitectura como axentes imprescindibles no proceso.

11. Garantir uns honorarios mínimos e unificados en toda a administración galega. Deste xeito serán acordes as responsabilidades contraídas e ao coñecemento acumulado, en lugar de facer referencia ao salario base por hora.

12. Apoiar a formación de arquitectos/as tanto na universidade como na etapa profesional, estimulando a innovación e a profesionalización do sector.

13. Reforzar o proxecto Terra, o programa de apoio para a formación da infancia e a mocidade que leva impulsando o COAG vinte e tres anos.

14. Pór en marcha o Arquivo de Arquitectura de Galicia e desenvolver un espazo de divulgación que permita entender a transcendencia da arquitectura na construción do país e na ordenación do territorio.

15. Garantir a presenza suficiente e cualificada de arquitectos/as nos departamentos técnicos da Xunta de Galicia que desenvolvan arquitectura, rehabilitación patrimonial e urbanismo.

SIMPLIFICACIÓN ADMINISTRATIVA

16. Desenvolver de modo urxente medidas de simplificación e axilización das licenzas municipais (técnicos/as de apoio, estímulos fiscais, etcétera).

17. Garantir a presenza de arquitectos/as en todos os Concellos de Galicia. Desenvolver mecanismos para a consolidación das prazas de arquitectos/as municipais parellos ao impulso da figura de arquitectos habilitados que roten por concellos de menos de 10.000 habitantes.

18. Fomentar a harmonización de criterios nas entidades locais.

Deja una respuesta

Tu dirección de correo electrónico no será publicada. Los campos obligatorios están marcados con *